...والله أبيك...

ممكن سؤال وينتهي اخر نفس لي في الوجود
وشلون لو غاب القمر او خاب ضني فيك وانته مادريت
وش يعني لك هذا الحزن والضيق والهم والكدر...
وش يعني لك هذا الغياب والبعد متلحف غلاك
وش قصة الهاتف معي وصوتك يدغدغ مسمعي
بس المصيبه ليه كل هالانتظار
منهو معك ويكلمك .
منهو يلمك بشتياق وانا بعادي للاسف ما اللمك
ولا ترك حتى صدى صوت الغياب
وش قصتك وانته معي نايم بحضني ترتعد واتلحفك مثل الستار المخملي..
كنت احسبك جنبي تنام وكنت احسبك في داخلي صوت الغرام وعشق الحنين
واهات تسمتني اليك من دفتر العشق القديم اللي يضم الذاااكرة
واتذكر البوس العميق اللي يلون هالشفاه بشفتك اللي يغير طعم شهدك من مرارة هالكلام
الى عسل ومن حسن حظي اسهر الليله معاك ولا انام
اجفف الصدر الحنون من العرق .. واغير انفاس المكان بلون العشق
اختار مابينك وبين التضحيه ..
واختار موتي واندفن في حظنك الدافي وامووت .
اموت واحيا بك واموت .. واعوود وابدا من جديد .. استجمع اقواي واعلمك معنى الغرام وعلمك صوت الحنين والنور يشرق من عيونك واتعلمك وانته وانا في عالم العشق الجميل .
تعال نطوي هالغروب وننفض اغبار الغياب
تعال نبداء من جديد ونعلم العالم تحب .. ونعلم الناس الغرام والعشق ...
تعال انا محتااااااااااااااااااااج لك ..
ودي اجي وابكي معاك ..وينك ابي اسئل عليك... وينك حرام .. افهم انا ميت عليـــــك
وشلوون اعيش وانته اساس التضحية
مليت انا و قلبي نعيش على حدود الذاكرة
وانته ولاهمك غياب ويمكن بعد ماعدت ابدا في خاطرك الا مجرد خاطرة

شكرا جزيلا اخى العزيز على القصيدة الجميله
وبفعل وبدون مجامله روعه من من الجمال في الشعر
انت واااجد مبدع في شعرك واشكرك على التواصل
واتمنى منك التقدم في الشعر الجميل

مع خالص تحياتي
السراعي

قصيدة
ولا اروع
تقبل مروري